جسارتلي و سئويملي شاعيره 

    " نيگار خياوي " يه… 

  ساچلارين گونشين سولغون چاغينا اوخشاسا دا 

  هله قوجالماييبسان 

  بارماقلاريندا اوزوک 

  ياناقلاريندا اوزوملوک 

  دوداقلارينداکي بویالی تبسسومله 

  گنج­ليیيني قورويورسان 

  قاشلاريني کامان ائديب 

  کيپريکلرينی اوخ آتيرسان 

  سسيندن قايالارا ديرماشا بيلرسن 

  آشاغي باخسان دا باخيبسان 

  دره­نين ديبينده يوخلايان قورخونو 

  قينقيتماغا نه وارکي…! 

  بير آن گؤزلویونون آلتيندان بويلانيرسان 

  بويوما باخديقجا سئوينيرسن 

  دوشونورسن کي،  

  آرتيق او ايمکله­ين کؤرپه دئييلم 

  قاچاماغي دا باجاريرام 

  اوچماغي دا 

  چوخ درين باخما منه  

  درينليکده کؤپک باليقلارييلا ووروشورام